• Në lidhje me ne
• Ç’është martesa e detyruar?
• Ç’farë ndodh me mua?
• Kaos ndjenjash
• Pasojat e martesës së detyruar
• Të drejtat tuaja
• Gjesh këshillim dhe mbrojte
• Oferta jonë
• FAQ
• Links / Ndihmë në NRW

 

Ne angazhohemi për të gjitha vajzat dhe gratë e reja, të cilat ndodhen në një situatë të rëndë dhe krize dhe që kanë nevojë për konsultim, mbështetje dhe mbrojtje! Krahas konsultores, institucionit të strehimit dhe të një grup banimi, ne ofrojmë tashmë edhe një konsultim online në lidhje me temën martesa e detyruar. Grupi ynë i punës ka mbështetur shumë vajza dhe gra dhe njeh shqetësimet dhe hallet në lidhje me temën martesa e detyruar.

Foto: gbaku

Në këshillimin tonë online, në mbrojtje kundër martesës së detyruar punojnë gra nga mosha 35 deri në moshën 50-vjeçare, të cilat vinë nga rrethe të ndryshme kulturore dhe që flasin gjermanisht, turqisht dhe gjuhën kurte.

Por E-Mail-et mund të shkruhen edhe në shqip apo arabisht, mbasi ne bashkëpunojmë në mënyrë konsperative me një zyrë përkthimi, e cila i përkthen për ne këto E-Mail-e. Kushdo që drejtohet tek ne, duhet të ketë besim tek ne, mbasi ne të gjitha informacionet i trajtojmë në fshehtësinë më të madhe. Ne këshillojmë në anonimitet. Asnjë person i tretë nuk mëson gjë në lidhje me bisedat tona kontaktuese, mbasi i gjithë grupi ynë i punës, si edhe përkthyeset dhe përkthyesët i nënshtrohen heshtjes.

Ne të ndihmojmë ty, që të marrësh vendimin tënd:

• në rast se ti je e pasigurt për planet e tua për të ardhmen,
• në rast se ti ke një plan tjetër për jetën, se ai i prindëve të tu,
• në rast se ti ke frikë, se të martojnë kundër vullnetit tënd,
• në rast se të detyrojnë të lidhësh martesë jashtë vullnetit tënd.

Ka alternativa dhe rrugëzgjidhje! Ka njerëz, që të mbështesin ty, të cilët e njohin mirë situatën tënde dhe që e akceptojnë kulturën tënde!

Ti dëshiron të kesh një person, i cili

• të kupton dhe të mbështet
• të merr ty seriozisht dhe planet e tua për të ardhmen
• mund të kuptojë frikën tënde, dhe që me të të mund të flasësh hapur mbi gjithçka
• ka mundësi të të kuptojë, të marrë një vendim të mirë për ty.

Foto: simoon

Kij besim tek vetvetja dhe bëhe hapin e parë! Ne na ke gjithmonë pranë. Së bashku do ta gjejmë një zgjidhje – pavarësisht se sa pa krye të duket situata jote. Në rast nevoje, ne mund të gjejmë për ty edhe një strehim të sigurt dhe të fshehtë, ku atje do të sigurohet mbrojtje kundër kërcënimit dhe dhunës.

Ka edhe të rinj, apo burra në moshë të re, të cilëve u kanoset martesa e detyruar dhe që kanë nevojë për ndihmë dhe mbështetje. Në rast se ti e ndjen, se kjo është edhe për ty, atëherë ti sigurisht që mund të na drejtohesh neve në çdo moment. Ne ndihmojmë me kënaqësi për të gjetur konsultore të përshtatshme!

Jo, martesës së detyruar! Ne ndihmojmë!

 

 

Me një martesë të detyruar kemi të bëjmë atëherë, kur prindët e tu apo familja jote vendos, se me kë duhet të martohesh ti, pavarësisht se ti nuk ke dëshirë tëmartohesh me partnerin që të kanë zgjedhur. Në rastin e një marteseje të detyruar asnjë nuk pyet për vullnetin tënd, nëse ti do të martohesh, apo dhe cilin person dashuron ti.

Foto: sheilaz413

Flitet për martesë të detyruar, atëherë kur ti nuk dëshiron të martohesh, kur ti nuk ke dhënë pëlqimin tënd apo kur ti vihesh nën presion dhe ndien detyrim.

Ti ke të drejtë, të vendosësh e lirë, nëse do që të martohesh dhe me cilin do të martohesh! Dashuria dhe martesa nuk kanë asgjë të përbashkët me detyrimin! Një martesë e detyruar nuk ka lidhje aspak me besimin fetar!

Në rast se ti nuk martohesh me vullnetin tënd, atëherë familja jote ndoshta do të përdorë presionin tek ty. Ajo do të mundohet të të detyrojë për martesë. Presioni mund të përdoret në forma dhe mënyra të ndryshme, ku në të bëjnë pjesë:

• Prindët, motrat e vëllezërit, apo të afërm të tjerë të bëjnë ty me faj, se për shkakun tënd familja humbet vlerën/nderin e saj,
• Presionet (heshtja, injorimi, mosfolja më me njëri-tjetrin, ndalimi i daljes jashtë, ndalimi i kontakteve, mosdhënia e pareve të xhepit),
• Sharjet,
• Kërcënomet, për të të çuar në atdheun e prindëve,
• Dhunë trupore/apo dhunë seksuale (kërcënime për rrahje, të rrahin apo të keqtrajtojnë).

Martesë e detyruar apo martesë e organizuar?

Foto: Horizon

Nuk është gjithmonë e lehtë dhe e mundur që të bësh dallim të qartë ndërmjet martesës së detyruar dhe martesës së organizuar. Vendimtare është, nëse përdoret dhunë tek ti, nëse ti e ke mundësinë të mund të thuash edhe “Jo”. Gjithmonë varet nga vlerësimi personal, se në cilin moment do të flitet për një martesë të detyruar, dhe çfarë ndihet si detyrim.

Kështu, atë që prindët nga pikpamja e tyre e kuptojnë si „presion të lehtë“, për ty ndihet si detyrim. Ka vajza dhe të rinj, të cilat akceptojnë, që prindët e tyre të zgjedhin partënerin e jetës së tyre, dhe që vetë këta në këtë vendim të kenë të drejtën e fjalës së fundit. Në rastin e një martese të detyruar, martesa lidhet kundër vullnetit të nuses apo të dhëndërit. Përdoret presion i madh dhe refuzimi atëherë do të ketë për ty pasoja të rënda.

 

 

Shenjat merri seriozisht! Shpesh ndodh kështu, që planet për martesë paralajmërohen. Përpara se këto plane të zbatohen, ti ke mundësi që të përfitosh nga ndihma jonë!

Ndoshta ti vë re situata tëpazakonta dhe nuk di tamam, se si duhet të reagosh. Nga prindët dhe të afërmit ti merr komlimente të pazakonta, psh. se ti je bërë sa një grua, apo që je bërë për tu martuar.

Foto: zervas

Ekzistojnë shkaqe të shumta, se përse prindët mendojnë, se ata kanë të drejtë dhe dhe e kanë detyrë, që të zgjedhin një burrë për vajzën e tyre.

Ndonjëherë prindët kanë frikë për humbjen e vlerës së tyre (humbje nderi). Në rast se vajza është në moshë për martesë, por që nuk ka dëshirë që të jetë e lidhur dhe eventualisht ka një shok, i cili nuk akceptohet nga prindët, shumë familje kanë frikën e humbjes së virgjërisë.

Ndonjëherë ndodh edhe kështu, që prindët kanë frikë, se vajza e tyre humbet respektin për ta; ata duan të ruajnë influencën tek vajza e tyre. Kështu për shëmbull, kur vajza shoqërohet me një burrë të një rrethi tjetër kulturor, apo të një besimi tjetër fetar dhe që ata e marrin vesh këtë gjë, atëherë ata kanë frikë se vajza e tyre do ti nënshtrohet influencave të dëmshme dhe do të bjerë në stilin „perëndimor dekandet“ të jetës.

Foto: u7b

Përmes një marteseje të shpejtë ata duan ti ngjallin vajzës së tyre respekt përpara autoritetit të babait dhe kështu të forcojnë lidhjet tradicionale. Përmes një marteseje të shpejtë vajza duhet të sillet përsëri në rrugë të drejtë.

Por ama ti ke përfytyrime të tjera se si duhet të jetosh. Ndoshta ti dëshiron që dikur të martohesh, por ama jo tani dhe jo me një burrë, të cilin ti nuk e njeh dhe nuk e do!

 

 

Nëna jote është shumë e rëndësishme për ty. Ajo ka qënë ndërmjetëse e babait, kur ka qenë fjala për vendime të rëndësishme. Ajo gjithashtu të ka mbrojtur nga babai këtë herë apo herë të tjera, kur ti atij thjeshtë i ke fshehur diçka.

Ndodh, që ti tashti ndjehesh e zhgënjyer apo e tmerruar nga nëna jote, në rast se babai yt të bën të ditur seriozisht, se ka zgjedhur një burrë për ty, me të cilin ti së shpejti do të martohesh - dhe nëna jote duke u lëkundur nuk shfaq mbështetje dhe tregohet e mbingarkuar.

Foto: angel decay

Ajo ka mendimin, se babai dhe nëna duan vetëm të mirën tënde, dhe se është mëse normale, që ata duhet të zgjedhin një burrë për ty. Ajo nuk mund dhe nuk do që të të kuptojë dhe nuk të merr seriozisht. Për nënën tënde mendimet e të afërmve dhe të komshinjve kanë qenë gjithmonë shumë të rëndësishme, por në këtë situatë ti ke pritur, që ajo të të ndihmojë.

Në vënd të kësaj, ti ke ndjenjën, se prindët e tu të vënë nën presion! Ata duan të të martojnë dhe të detyrojnë ty për këtë ndoshta edhe me dhunë, ku ty të injorojnë, të ofendojnë, të rrahin apo të kërcënojnë.

Ti ke ndjenjën,

• se tani gjithçka është shumë vonë, tani s’mund të më ndihmojë më asnjë. Ska rrugëdalje tjetër,
• se duhet të turpërohesh, që të ndodh një gjë e tillë, që pikërisht prindët e tu, të arrijnë të të bëjnë një gjë të tillë,
• që më mirë gjithçka të harrosh dhe të mos duash më të mendosh për këtë gjë,
• se ke tradhëtuar traditat e tua. Ti nuk do që tu bëhesh pengesë prindëve,
• që je e abandonuar dhe e urryer nga familja, të cilën ti e do. Ti nuk ke dëshirë të trajtohesh si anë e jashtme, por përkundrazi të vazhdosh të jetosh jetën e deritanishme,
• që të kanë lënë vetëm,
• që nuk je aq e fortë, sa të përballosh zemërimin,
• se kërkush nuk e dëgjon ‚jo-në’ tënde dhe asnjë nuk të respekton.

"Mua më ka vrarë deri diku fakti, që prindët e mi kanë qenë të zemëruar me mua, apo për ato që kanë folur të tjerët. Por për mua ishte e qartë, se tani duhet të tregohesha egoiste, me qëllim për të qenë e lumtur. Nuk duhet të bëja prindët apo atë të lumtur." (marrë nga: ‚E detyruar për martesë’, Raport i Behares 22 vjeçare, e shkurorëzuar, në: "Martesë e detyruar. Gjithë jetën për hir të nderit", Terre des Femmes e.V., 2006)

Kërkush nuk e ka të drejtën të të detyrojë për martesë! Ti ke të drejtë të vendosësh vetë, nëse do të martohesh dhe me kë do të lidhësh këtë martesë! Një martesë e detyruar është e ndaluar në çdo besim fetar!

 

 

Ndoshta ti për të ardhmen tënde ke thurur plane dhe ke mendime, të cilat ti nuk mund ti realizosh dot në një martesë të detyruar. Ndoshta shkolla dhe profesionalizimi janë të rëndësishme për ty, por që pas martesës nga ty pritet, që të ndërpresësh gjithçka. Kjo çon në atë, që ti nuk ke aspak mundësi, që tani apo më vonë të mund të fitosh e pavarur paren tënde. Përmes kësaj ti kthehesh në një varësi gjithmonë e më të madhe tek bashkëshorti dhe familja e tij.

Foto: aubergine dream

Ndoshta ti ndjen përfytyrimin, që pas martesës të shkosh në një banesë më vete, si joshëse dhe shpreson, që të jetosh e lirë në shtëpinë tënde, larg rregullave dhe detyrimeve të shtëpisë së prindëve. Ndoshta ty mund të të premtohen shumë gjëra. Por ama shpesh pas martesës, ty do të duhet ti nënshtrohesh rregullave dhe pretendimeve të reja - atyre të burrin tënd dhe familjes së tij. Ata kërkojnë prej teje, që ti tu bindesh dhe tu nënshtrohesh atyre. Mund të ndodhë që ty nuk do të lejohet më që të takohesh me shoqet apo që të largohesh nga shtëpia. Në rastet më të rënda edhe edukimi i fëmijëve të tu të ardhshëm do të merret përsipër nga të tjerët.

 

Foto: maculato

Kur ti do të jesh e martuar, mund të pritet prej teje, që burrit tënd ti qëndrosh në dispozicion seksualisht. Në rast se ti këtë nuk mund ta bësh apo nuk do që ta bësh, mbasi ti atë nuk e do, atëherë një gjë të tillë mund ta realizojë edhe përmes dhunës. Këto përjetime mund të të rëndojnë shumë - kaq shumë, sa ti nuk mund ta durosh dot frikën e përditshme.

Të gjitha këto mund të çojnë deri atje, sa ti të ndjehesh e vetmuar dhe e dorëzuar. Nëna jote dhe motrat e vëllezërit e tu, apo njerëz të tjerë, të cilëve ti u beson, ndoshta nuk mund të të ndihmojnë më dot siç duhet apo të të mbrojnë, mbasi nuk duan të ndërhyjnë në jetën tënde martesore. Ata ndoshta mund të mendojnë, se burri yt ka të drejtë ta bëjë këtë, atëherë kur ai e quan të arësyeshme.

Dhe kështu shumë vajza bëhen gjithmonë e më tepër të heshtura, të trishtuara dhe depresive. Ato sëmuren shpesh, kanë dhëmbje koke apo stomaku. Disa hanë shumë apo aspak, për shkak të halleve apo lëndojnë veten e tyre. Disa vajza janë aq të dëshpëruara, sa ato bile si rrugëdalje të fundit mendojnë vetëvrasjen.

 

 

Ti vendos, se me cilin do të martohesh!

Foto: FreeVicente

Kërkush nuk ka të drejtë - gjithashtu edhe prindët e tu apo familja jote (!) -, që të të detyrojnë për martesë.

Martesat kundër vullnetit shkelin të drejtat e njeriut, të cilat njihen sot pothuajse nga të gjitha shtetet e rruzullit tokësor. Sigurisht që këto janë të ndaluara nga kushtetuta e Republikës Fe-derale të Gjermanisë.

Pra një martesë duhet të lidhet vetëm në bazë të shprehjes së vullnetit të lirë dhe të plotë të bashkëshrotëve të ardhshëm.

Pa marrë parasysh moshën dhe kombësinë tënde vlen: Martesa e detyruar nuk mund të përlig-jet me asnjë traditë apo besim fetar!

 

Një martesë e detyruar është e dënueshme!

Kodi penal gjerman i ndalon gjithkujt - gjithashtu edhe familjes tënde - që të të kërcënojë përmes dhunës, apo të përdorë dhunën në ty, me qëllim që të të detyrojë për martesë.

Dhuna paraqitet në forma të ndryshme:

• kur të rrahin dhe/apo të keqtrajtojnë
• kur të ofendojnë, të përbuzin, të poshtërojnë apo të kërcënojnë
• kur të mbyllin brënda
• kur të mohojnë nevojat e domosdoshme (si psh. ushqimin, shëndetin, shkollën)
• kur ty nuk të lejohet shkollimi.

 

Çfarë duhet të kesh parasysh, nëse largohesh përko-hësisht nga Gjermania

Në rast se ti nuk zotëron nënshtetësinë gjermane, atëherë për ty do të jenë të rëndësishme in-formacionet e mëposhtme:

Në rast se ti ke një lejë-qëndrimi për në Gjermani dhe që prindët e tu dëshirojnë të të martojnë në atdheun tënd, atëherë ti si rregull duhet të kthehesh në Gjermani bërnda një afati prej gjash-të muajsh, mbasi në rast të kundërt skadon lejë-qëndrimi yt.

Zyra e të huajve e vendbanimit tënd, në raste të veçanta mund ta zgjasë këtë afat (§51 të ligjit mbi lejëqëndrimin).

Ne ndërhyjmë për të drejtat e tua, ne të informojmë dhe të mbështesim ty!

 

 

Në rast se ti je nën moshën 18-vjeçare, atëherë ti mund

• të na drejtohesh neve përmes konsultimit online, në mbrojtje kundër martesës së dety-ruar të institucionit të bamirësisë së vajzave në Bielefeld (Mädchenhaus Bielefeld). Ti nuk duhet të shqetësohesh për faktin, se dikush mund të marrë vesh, që ti merr ndihmë nga konsultimi online, mbasi ne i trajtojmë problemet e tua në anonimitet. Çdo gjë që ndërmarrim, ne e diskutojmë me ty. Me dëshirën tënde ne të ofrojmë mundësi konsultimi në vend. Vetëm ti vendos, se çfarë duhet të bëhet. Ne të mbështesim ty!
• ti drejtohesh një konsultoreje për vajzat. Atje ti do të gjesh konsultim dhe mbështetje. Pedagoget do të shoqërojnë ty edhe në takime të tjera, në rast se ti do ta dëshirosh një gjë të tillë. Oferta do të gjesh poshtë: ndihmë në NRW
• ti drejtohesh një institucioni strehimi për vajza (ndihmë në NRW). Atje do të gjesh mbrojtje kundër kërcënimit dhe dhunës. Atje ti mund të pranohesh në fshehtësi. Një gjë e tillë mund të bëhet edhe pa miratimin e prindëve, në rast se në shtëpinë tënde nuk të sigurohet dot më mbrojtja.
• ti drejtohesh sektorit të rinisë (Jugendamt). Atje ti do të konsultohesh dhe do të gjesh mbështetje. Në rast se në shtëpi nuk je më e siguruar, atëherë përmes sektorit të rinisë ti do të strehohesh në një vend të fshehtë dhe të sigurt (marrja jote nën mbrojtje). Sek-torin për të rinjtë ti mund ta gjesh në çdo qytet poshtë numrit të telefonit të admi-nistratës së qytetit. Shpesh në sektorin për të rinjtë ekziston një numër telefoni për ras-te urgjente dhe krize, të cilit ti mund ti drejtohesh. Me kënaqësi ne ndërmjetësojmë edhe pedagoge në vend, e cila mund të të shoqërojë ty në sektorin për rininë.

Këto oferta për ndihmë janë për ty falas!

 

Në rast seti je mbi 18-vjeçe, atëherë ti mund të drejtohesh

• të na drejtohesh neve përmes konsultimit online, në mbrojtje kundër martesës së dety-ruar të institucionit të bamirësisë së vajzave në Bielefeld (Mädchenhaus Bielefeld). Ti nuk duhet të shqetësohesh për faktin se dikush mund të marrë vesh, që ti merr ndihmë nga konsultimi online, mbasi ne i trajtojmë problemet e tua në anonimitet. Çdo gjë që ndërmarrim, ne e diskutojmë me ty. Me dëshirën tënde ne të ofrojmë mundësi konsultimi në vend. Vetëm ti vendos, se çfarë duhet të bëhet. Ne të mbështesim ty!
• ti drejtohesh një konsultoreje për vajzat: ndihmë në NRW.
• ti drejtohesh një konsultoreje për gra: ndihmë në NRW.
• ti drejtohesh një institucioni bamirësie për gra, apo një institucioni strehues, me qëllim për të siguruar mbrojtje dhe strehim: dihmë në NRW.
• ti drejtohesh sektori për të rinjtë. Sektorin për të rinjtë ti mund ta gjesh në çdo qytet poshtë numrit të telefonit të administratës së qytetit. Shpesh në sektorin për të rinjtë ekziston një numër telefoni për raste urgjente dhe krize, të cilit ti mund ti drejtohesh. Me kënaqësi ne ndërmjetësojmë edhe pedagoge në vend, e cila mund të të shoqërojë ty në sektorin për rininë
• ti drejtohesh një numër telefoni urgjent për gratë: ndihmë në NRW.
• ti drejtohesh një institucioni të barabartë (me të cilin kontaktohet përmes administratës së qytetit)
• ti drejtohesh një organi ndërkulturor (me të cilin kontaktohet përmes administratës së qytetit)
• ti drejtohesh një konsultoreje ndërkulturore: ndihmë në NRW.

Këto oferta për ndihmë janë për ty falas!

 

E mira është gjithmonë, nëse ti mbështetjen do ta kërkosh tek mësueset dhe mësuesët, pu-nonjëset dhe punonjësit social (të shkollës), apo tek shoqet dhe shokët e tu. Së bashku me ta ti mund të caktosh takime apo të zhvillosh biseda. Gjithmonë sigurohu, që personat, të ci-lëve ti u beson, nuk do tu tregojnë të tjerëve dhe që nuk ndërmarrin asgjë në kokë të tyre.

Parimisht ekziston mundësia, që të kërkosh këshilla edhe tek ndonjë avokate apo avokat. Në raste urgjente dhe raste krizash të mëdha ti mund të njoftosh edhe policinë vendore. Adhe ajo i njeh gjithashtu institucionet, të cilat mund të organizojnë strehimin tënd të menjëhershëm (marrjen tënde nën mbrojtje).

Në rast se ti kërkon të dish më tepër mbi ligjet, atëherë në aspektet ligjore ti mund të informo-hesh në faqet mbi personat e besueshëm.

Gjithmonë ti mund të marrësh këshilla dhe të gjesh mbështetje tek: Konsultorja online në mbrojtje kundër martesës së detyruar. Për këtë jemi ne aty!

 

 

Këshillimi online

• Këtu ti do të gjesh këshilla dhe mbështejte, në rast se ti kërcënohesh nga martesa e detyruar, apo që tashmë të kanë martuar me detyrim.
• Tek ne ti do të marrësh informacione dhe mbështetje gratis në mbrojtje kundër martesës së detyruar.
• Ti mund të këshillohesh në formë anonime në lidhje me temën „martesa e detyruar“. Gjithçka që na shkruan apo që na thua ti ne e mbajmë në fshehtësi. Askush nuk do të marrë vesh, që ti ke kontakuar me ne, në rast se ti nuk e dëshiron këtë gjë! (Kushtet për përdorim).
• Ne mund të të ndërmjetësojmë në konsultoret e përshtatshme në vendbanimin tënd. Në rast se ti je në vështirësi, ne të ndihmojmë, me qëllim për të gjetur një strehim të mbrojtur dhe të fshehtë.
• Ne jemi për ty këtu. Tek ne punojnë vetëm këshilltare femra, të cilat kanë përvojë të madhe pune në mbështetje të vajzave dhe grave të reja në situata të vështira / në situata krizash.
• Është e kuptueshme, që sipas nevojës ne këshillojmë edhe të rinj dhe i ndërmjetësojmë ata më tej në institucione përkatëse.
• Informacionet janë të disponueshme në gjuhë të shumta: në gjermanisht, turqisht, arabisht, anglisht, në gjuhën kurte dhe shqipe. Për gjuhë të tjera ne shfrytëzojmë zyrat e përkthimit.

 

Ne jemi të kontaktueshëm edhe përmes telefonit!

Numri i telefonit: 05 21 / 5 21 68 79

• Hënë: Ora 9.30 - 16.30, 13.00 - 14.00 Chat
• Mërkurë: Ora 9.30 - 13.30
• Enjte: Ora 12.30 - 17.00, Chat: 15.30 - 16.30
• Premte: Ora 9.30 - 13.30

Sigurisht që ne këshillojmë edhe të afërm dhe persona të besuar të vajzave, si edhe punonjëse dhe punonjës profesionistë (pedagoge dhe pedagogë social, edukatore dhe edukatorë, punonjës mësimi, etj.), të cilët profesionalisht janë të konfrontuar me temën dhe që kërkojnë këshillë

 

Organizime informacionesh:

Ne informojmë në:

• Shkolla
• Qendra për rininë
• Qendra familjare
• Projekte për vajza
• Shoqëri pune

dhe nëpër institucione të tjera, të cilat merren me tematikën. Në rast nevoje të gjitha istitucionet e lartpërmendura mund të na drejtohen neve.

 

 

Këtu do të dalë një listë FAQ. Kjo do të thotë "frequently asked questions", pra në gjermanisht: "pyetjet që bëhen më shpesh".

Janë pyetje, që bëhen herë pas here nga personat e prekur apo të afërmit. Me kënaqësi mund të marrësh pjesë dhe ta na dërgosh propozimet e tua, në rast se për mendimin tënd mungon ndonjë pyetje e rëndësishme, apo në rast se ti dëshiron të bësh ndonjë plotësim.

Për këtë dërgo thjesht një Email në: zwangsheirat@maedchenhaus-bielefeld.de

 

1. Kujt mund ti drejtohem unë, në rast se më duhet NDIHMË, PA e marrë vesh prindët e mi?

• Fillimisht ti mund të na drejtohesh neve, Online-Beratung zum Schutz vor Zwangsheirat (këshillimit online në mbrojtje kundër martesës së detyruar) të institucionit të bamirësisë së vajzave në Bielefeld. Tek këshillimi online ti nuk duhet të mbash shqetësime, mbasi ne problemet e tua i trajtojmë në fshehtësi. Në rast se ti nuk do, atëherë askush nuk do ta marrë vesh, se ti merr ndihmë. Ne diskutojmë me ty për gjithçka që do të ndërmarrim. Me dëshirën tënde ne të sigurojmë mundësi këshillimi në vend. Vetëm ti do të vendosësh, se ç’farë duhet të ndodhë dhe për këtë ne të mbështesim ty!

 

2. Si funksionon këshillimi online?

• Oferta jonë për ty është falas. Ti regjistrohesh njëherë me një emër që zgjedh dhe sajon nga mendja një passwort (parullë). Dhe në këtë mënyrë ti ke të drejtë gjithmonë të hysh në “postën tënde elektronike”. Mbartja e të dhënave pason në mënyrë të shifruar. Kërkesa juaj do të drajtohet në fshehtësi. Ne i nënshtrohemi detyrimit të heshtjes. Ne të përgjigjemi ty sa më shpejt që të jetë e mundur. Ne u përgjigjemi E-Mail-ve edhe në arabisht, dhe shqip, ku përgjigjet këtu mund të zgjasin diçka më shumë (mbasi këto duhet të përkthehen).

 

3. Kush mund të përfitojë nga këshillimi online?

• Këshillimi online qëndron në dispozicion të të gjithë atyre, që dëshirojnë të mësojnë më tepër në lidhje me temën „në mbrojtje kundër martesës së detyruar“. Ne këshillojmë dhe mbështesim vajzat dhe gratë e reja, të cilat kërcënohen nga martesa e detyruar, apo që tashmë janë të martuara me detyrim. Sigurisht që ne këshillojmë edhe të afërm dhe persona të besuar të vajzave, si edhe punonjëse dhe punonjës profesionistë (pedagoge dhe pedagogë social, edukatore dhe edukatorë, punonjës mësimi, etj.), të cilët profesionalisht janë të konfrontuar me temën dhe që kërkojnë këshillë. Është e kuptueshme, që sipas nevojës ne këshillojmë edhe të rinj dhe i ndërmjetësojmë ata më tej në institucione përkatëse.

 

4. Kush do të më përgjigjet mua?

• Një punonjëse e konsultores sonë do ti përgjigjet njoftimit tënd. Për të siguruar një shërbim personal, ty do të të përgjigjet gjithmonë e njëjta punonjëse, në rast se ti do të shkruash përsëri një njoftim tjetër. Tek ne punojnë vetëm gra. Ne jemi një grup pune ndërkulturor dhe këshillojmë në gjuhë të ndryshme, ndër të tjerash edhe në turqisht dhe në gjuhën kurte. Të gjitha këshilltaret kanë përvojë të madhe pune në mbështetje të vajzave dhe grave të reja në situata të vështira / në situata krizash.

 

5. A kushton gjë përdorimi i këshillimit online?

• Jo, si përdorimi homepage ashtu edhe regjistrimi në këshillimin online janë falas. Për tu paguar janë vetëm shpenzimet e tua normale për përdorim të internetit.

 

6. Unë jam e mitur dhe dëshiroj të përfitoj nga këshillimi online. A duhet të informohen prindët e mit?

• Jo. Edhe në rastin kur ti je e mitur, prindët e tu nuk mësojnë prej nesh, që ti përdor këshillimin online.

 

7. Në rastin kur unë jam e mitur, a mund/ dhe a lejohen prindët e mi që kundër vullnetit tim të më martojnë me një burrë?

• JO! Kushti për një martesë është mosha madhore dhe miratimi yt. Një martesë, e cila nuk është e lidhur në zyrën e gjëndjes civile nuk mund të hyjë në fuqi (kjo do të thotë: ajo ligjërisht është e pavlefshme).

 

 

Në rast se ti ke nevojë për mbështetje të afërt, apo për informacione mëtejshme, atëherë këtu do të gjesh adresat kontaktuese: links + Ndihmë në NRW. Ose drejtohu tek ne përmes këshillimit online.